Info Praia

Intregadu pré-avisu di grevi di pilotus di BestFly pa próximu simana

Sindikatu di Indústria, Transporti, Telekumunikasôn, Hotelaria e Turismu (SITTHUR) djá intrega pa Diresôn-Geral di Trabadju pré-avisu di grevi di pilotus di BestFly.

Grévi stá markadu pa dias 18 e 19 des mês. Ê dêbi kumêsa 7 e meia di palmanhãn di dia 18 e ê ta finda 6 óra tardi di dia 19.

Pilotus stá reivindika pês reativadu suguru lisensa, pagamento di dias feriadu kês trabadja, pês fasilitadu transporti, pagamentu na óra sertu di ses djuda di kustu e atualizasôn di saláriu e di regalia sima subsídiu di alimentasôn e di combustível.

Grêvi dêbi afeta tudu voo kumersial di BestFly na país intéru.