Info Praia

Outubro Rosa e Novembro Azul ta assinaladu oji kum marcha pa txôma atensôn pa impurtansia di privini

Assosiasôn Kabu-verdiana di Luta Contra Cancro ta promovi oji um marcha pa assinala Outubru Rosa e Novembro Azul, mês di luta kontra cancro di mama e di próstata.

Na âmbito di kampanha di Outubru Rosa e Novembro Azul, Assosiasôn ta pretendi trazi más pessoas pa marcha e sklarêsi kistôn relasionadu ku cancro di mama e di próstata.

Ideia di fazi um marcha konjuntu ê pamodi ómi inda ta partsipa pôku na atividade relasionadu ku Novembru Azul.

Na marcha, Assosiasôn krê involvi o máximu di instituisôn sima Kâmara Munisipal e spital pa partilha informasôn ku pessoas pa nôs tudu pôdi stá atentu a nôs korpu.

Tambê pa assinala kês dôs efeméride munti atividade sta previstu ness dôs mês sima: rastreiu e palestra na diferente munisipiu, num parseria ku delegasia di saúdi lukal, kâmara, skola e universidade.