Info Praia

Grevi di pilotu di kompanhia áriu BestFly, markadu pa ranka oji djá suspendêdu

Pilotus di Transportadora Aéria BestFly djá suspendi grevi ki staba previstu pa ranka oji.

Suspensôn kuntisi dipôs ki Impreza assumi resolvi solisitasôn di trabadjadôr.

Pilotus stá reivindikaba pês reativadu suguru lisensa, pagamento di dias feriadu kês trabadja, pês fasilitadu transporti, pagamentu na óra sertu di ses djuda di kustu e atualizasôn di saláriu e di regalia sima subsídiu di alimentasôn e di combustível.

Sindikatu di Indústria, Transporti, Telekumunikasôn, Hotelaria e Turismu (SITTHUR) djuntu ku pilotus dissidi dá transportadora oportunidade di resolvi pendentis ti dia 1 di Dezembro.

BestFly tem ti dia 15 di Novembro pa apresenta pa trabadjador um planu pa resolvi prublemas.