Info Praia

Di inisiu di Novembro pa góssi Kabu Vêrdi stá ku más di 200 kazu di dengue konfirmadu

Na inisiu di mês di Novembru anunsiadu ressurgimento di dengue e di lá pa li djá konfirmadu 232 kazu konfirmadu di dengue na arquipélagu.

Di akordu ku diretora nasiunal di saúdi, Ângela Gomes, numeru di konfirmadu sai di 485 suspêtu. Maiuria di kazus detetadu na ilha di Fogo e na Santiago, prinsipalmenti na Praia. Na Fogo detetadu 169 kazu pusitivu e na Praia 51 kazu konfirmadu.

Otoridadi di saúdi djá reforsa kampanha di informasôn, limpeza e pulverizasôn pa kombati proliferasôn di muskitu e kombati doença ki ê transmitidu através di pikada di muskitu.

Normalmenti, pruméru manifestasôn d’infesôn pa dengue ê febri altu. Tambê ê pôdi dá: dor muskular intensu; dor oras ki nu ta muvimenta odju, mal estar, falta di pititi, dor di kabesa e mancha brumedju na korpu.

Katem um tratamento espesífiku pa dengue. Na kazu suspetu ê necessáriu bai sirbisu di saúdi p afazi diagnóstiku dretu. Tratamentu ê fêtu di akordu ku avaliasôn dum prufissiunal di saúdi e kada kazu ê um kazu pur issu ká ê akonselhadu toma ramêdi si dotôr ká passa.