Show di Bola

Tubarões Azuis ta fazi oji si 3º e últimu djogu di fazi di grupu já kum lugar sertu na oitavus di final di CAN

Silesôn Kabu-verdiana di Futiból Sénior Maskulinu ta djuga oji (22) ku silesôn di Egipto. Djogu stá markadu pa 7 óra nôti – horariu di Kabu Verdi.

Di akordu ku silesionador Bubista, apesar di Egipto ser um di kês nasôn ki más titulu tem na Áfrika, nôs ikipa sta bai ku ruspêtu, mas ku garra pa kontinua bom trabadju ki ê tem stadu ta fazi.

Nôs país ganha ses dôs djogu anterior kontra Ghana e Moçambique e independentemente di resultadu di oji djá nu stá na oitavus di final.

Ónti nôs ikipa fazi últimu trenu antis di djogu di oji. Tiago Correia más konshedu pa Bebé ka trena pamodi ê staba inda ta ser avaliadu pa ikipa médika. Ôtu djugadôr ki tambê tevi ki termina trenu más sedu foi difésa Edilson Borges mas konshedu pa Diney pamodi um lesôn na si pé direitu.