Info Praia

A partir di oji combustível stá más karu: Produtus têvi um omentu di 2,93%

A partir di oji presu di kombustível stá más karu na país. Présus tevi um omentu médiu di 2,93%, di akordu ku atualizasôn fêtu pa Agênsia Reguladôra Multisetorial di Ikunumia. Novus présu ta vigora ti dia 29 dess mês.

Nova tabela di présu ta mostra ma gasolina sa ta bendedu pa 136,30 skudu, petróiu stá pa 143,20 skudu e gasóliu normal stá pa 126,9 skudu.

Gasóliu pa iletrisidadi stá pa 113,20 skudu, gasóliu pa marinha stá pa 98 skudu, fuel 380 sa ta bendedu pa 86,90 skudu e fuel 180, stá pa 90 skudu.

E gás butanu sa ta bendedu a granel pa 143 skudu kada kilu. Garrafas di 12,5 Kg sa ta bendedu pa 1.787 skudu. Garrafas di 6 Kilu st apa 858 skudu, garrafa di 3 kilu stá pa 407 skudu e garrafa di 55 kilu sta pa 7.864 skudu.