Show di Bola

Um perkursu di orgulhu: Assim passagem di nôs Tubarôn Azul pa kampiunatu afrikanu di Nações

Ness idisôn di CAN, nundi Silesôn Nasiunal di Futiból Sénior Maskulinu marka 8 golu e sufri 3, nôs ikipa ka pêrdi nenhum djogu ti oitavus-di-final.

Na quartus di final djogu bai ti penalti, nundi nôs ikipa pêrdi pa 2-1, ku Áfrika di Sul.

Presidênti di Repúblika, José Maria Neves distaka bom desempenhu di nôs bavu Tubarôn. Ê flá ma ikipa representa nasôn ku dignidadi e país prova ma oras ki nu sta unidu nu ta pôdi fazi mutu más txeu.

Di akordu ku 1º ministru, Ulisses Correia e Silva, Tubarões Azuis konsigui poi nómi di Kabu Vêrdi e nôs bandêra riba lá ku ses bom trabadju na CAN.

Fedrasôn Kabu-verdiana di Futiból tambê realça ma nôs grupu foi inkansável désdi inisiu di kumpitisôn. Ê agradêsi Tubarões Azuis e ê lembra ma góssi ê fôka na qualifika na CAN 2025, ki sta bai kuntisi na Marrocos e na qualifikasôn pa Mundial 2026.

Disputa di meias-finais na CAN: Dia 7 des mês ta disputadu djogus di meias finais di CAN nundi Afrika di Sul, ki iliminanu ta infrênta Nigéria ki ilimina Angola.

Na kelotu semi-final, anfitriã Costa di Marfim, k’ ilimina Senegal, ta infrênta República Democrática do Congo, ki ilimina Guiné-Conacri.