Show di Bola

Ranking di FIFA: Kabu Vêrdi ê silesôn afrikana ki ta papia português midjor klassifikadu

Silesôn kabu-verdiana di futiból subi oitu lugar na Ranking di FIFA e góssi ikipa sta na pusisôn 65.

Di akordu ku site di FIFA, arquipélagu konsigui ess avansu na tabela dipôs di si bom prestasôn na Campiunatu Afrikanu di Nações – CAN.

Dentu di nôs kontinenti, Kabu Vêrdi manti na 13º lugar, na tabela lideradu pa Marrocos, siguidu pa Senegal e Nigéria.

Dentu di grupu di País Afrikanu ki ta papia Purtuguês, Kabu Vêrdi stá midjor klassifikadu. Nu sta na frenti di Angola, ki stá na pusisôn 93, Moçambique (110), Guiné-Bissau (118), e São Tomé e Príncipe (191).

Ranking Mundial di FIFA ta kontinua ku Argentina na liderança e top 10 ta fika kompletu ku França, Inglaterra, Bélgica, Brasil, Países Baixos, Purtugal, Spanha, Itália e Croácia.