Show di Bola

Qualifikasôn pa Afrobasket’2025: Kabu Vêrdi termina 1º janela di qualifikasôn sô ku vitória

Silesôn Kabu-verdiana di Basketbol Sénior Maskulinu gánha Nigéria, ónti, pa 78-62 e ê termina 1º janela di qualifikasôn pa Afrobasket 2025 sô ku vitória.

Na partida midjor djugadôr di Kabu Vêrdi foi Patrick Lima, ki fazi 15 pontu, 7 ressaltu, dôs assistência e dôs roubo di bola.

Na 1º djogu, ki kuntisi sexta-fêra, na Tunísia, Komandadus di Emanuel Trovoada gánhaba Uganda pa 78 – 73 e sábadu ê derrota Líbia pa 72 – 68.

Assim Kabu Vêrdi termina na liderança di grupu B, ku 6 pontu, siguidu pa Líbia ku 5 Pontu, Uganda ku 4 e Nigéria ku 3 Pontu.

Qualifikasôn ta bem kontinua na mês di Novembro dessa nu e Fevreru di psóximu anu pa determina kês 16 silesôn ki stá bai disputa Afrobasket 2025.