Info Praia

Ês mês presu di combustível stá mas karu na Kabu Vêrdi

A partir di oji, 01 di maoço, kombustível sta más karu na Kabu Vêrdi, di akordu ku novus presu máximu divulgadu pa Agênsia Reguladora Multissetorial di Ikunumia (ARME).

Presu omenta num média di 3,29 pur sentu. Duranti ês mês gasulina ta kusta 143 skudu e 60 sentavu kada litru.Petróliu stá pa 143 skudu e 60 sentavu, gasóliu normal stá pa 131 skudu e 40 sentavu, gasóliu pa iletrisidadi stá pa 117 skudu e 70 sentavu e gasóliu marinha stá pa 101 skudu e 90 sentavu.

Fuel 380 stá pa 89 skudu e 60 sentavu kada kilu e Fuel 180 stá pa 93 skudu.

Gás sa ta bendedu a granel pa 146 skudu e 90 sentavu kada kilu. Garrafas di 12kg e meiu stá pa 1836 skudu, garrafa di 6kg stá pa 881 skudu, garrafa di 3 Kilu stá kusta 419 skudu e garrafa di 55 kilu stá pa 8078 skudu.

Kês novu presu li ta fika válidu ti dia 31 des mês.