Show di Bola

Regiunal Sub 17/Santiagu Sul: EPIF konkista ónti taça di kampiunatu e ê st abai riprisenta regiôn na nasiunal

EPIF gánha kampiôn di Kampiunatu Regiunal Sub 17 di Santiagu Sul dipôs di gánha EFAT pa 4-2 na final.

Dipôs di 90 minutu di djogu ikipas staba dôs igual. Na prolongamentu EPIF marka ôtu dôs gôlu ki dál vitória.

Ku kel vitória li, EPIF ê riprisentanti di Santiagu Sul na Kampiunatu Nasiunal Sub-17, ki ta kumêsa disputadu dia 18 dess mês na Praia ku na Són Visênti.

EPIF sta na Grupu B, djuntu ku riprisentanti di Maio, Santiago Norti, Fogo e Sporting di Boa Vista, ki sta bem difendi títulu.

Ikipas ki sta na grupu A ê Són Visênti, São Nicolau, Sal, Santantôn Norti e Boa Vista.
Final four stá markadu pa dia 28 di março e final ta kuntisi dia 30.