Show di Bola

Futiból/sub17: Kampiunatu nasiunal kumêsa disputadu ónti markadu pa dôs goliada

Kampiunatu Nasiunal sub 17 kumesa disputadu onti e Sporting di Boa Vista, kampiã em títulu, ganha Grémio Nhagar di Santiagu Norti pa 2 – 1, na djogu di 1ª jornada di grupu B.

Inda na ronda inogural pa grupu B, Epif, di Santiago Sul, gánha Skola Vitória di Maio pa 3-2 e Valência di djarfogo fika izentu.

Manhãn grupu b ta djuga 2ª jornada ku djogus entri valência di fogo – sporting di boa vista e grémio nhagar di santiago norte – epif di santiago sul. Skola Vitória di Maio ta fika di fora.

Na grupu A disputas markadu pa dôs goliada: Efiz di Sal ganha Eid Paul di santantôn pa 9 – 1 e batuque di Són Visênti ki gôlia Ultramarina di São Nikulau pa 5 – 0.

Na jornada inogural Juventudi di Boa Vista fika isentu. Manhãn pa 2ª jornada ta djuga: Eid Paul – Batuque e Efiz – Juventude, Ultramarina ta fika di fora.