Show di Bola

Futiból Sub 17: Na grupu B Sporting e EPIF stá na frenti e na grupu A EFIZ e Batuque stá na frenti

Pa Grupu B, atual kampiôn di kampiunatu nasiunal Sub 17, Sporting di Boa Vista gánha Valênsia di Fogo pa 2 – 1 EPIF di Santiagu Sul gánha Gémiu Nhagar di Santiagu Norti pa 1 – 0.

Na 2º jornada, Skola Vitória di ilha di Maio fika izentu. Sporting e Epif stá lidera ku 6 pontu kada kenha.

Manhãn pa grupu B ta djuga Sporting di Boa Vista – EPIF di Santiago Sul e Valência di Fogo – Skola Vitória di Maio. Grémio Nhagar di Santiago Norti ta fika di fora.

Na Grupu A, Batuque di Són Visênti e EFIZ di Sal torna ganha ses djogu ku goliada.

EFIZ gôlia Juventudi di Norti di Boa Vista pa 4-0 e Batuque ganha EID Paul di Santanton pa 4-1. Ultramarina di São Nicolau fika di fora.

EFIZ e Batuque stá na liderança di grupu A e pa manhãn sta programadu djogus entri Juventude do Norte – Batuque e Ultramarina – EID Paúl. EFIZ ta fika di fora.