Info Praia

Colmeia ta rializa oji na Praia um marcha di sensibilizasôn sobri Autismu

Assosiasôn di Pai e Amigu di Criança e Jovem ku necessidadi spisial (Colmeia) ta realiza oji (2) um marcha di sensibilizasôn na âmbito di Dia Mundial di Konscientizasôn di Autismu.

Konsentrasôn ê pertu di Sembleia Nasiunal, na Txada Santantóni. Marcha ta perkóri munti zona di Praia e ê ta termina frênti Palásiu di Guvérnu na Várzia.

Tambê na mesmu horariu ta kuntisi na Són Visênti um atividade di mesmu spési pa assinala data.

Dia Mundial di Konscientizasôn di Autismu proklamadu pa Organizasôn di Nações Unidas na 2007 pa alerta sociedadi e guvernus sobri Autismu e djuda na kaba ku prekonseitu.