Show di Bola

Kampions regional di futebol sénior maskulinu fokadu na prumeru djogu di kampionatu nasional

Rosariense sta fokadu pa ganha prumeru djogu di Kampionatu Nasional di Futebol frenti d´Akademiko di Sal, sugundu trenador di ekipa Rui Lopes.

Djogu sta programadu pa kontisi es domingu, dia 5 na ilha di Sal, ekipa Rosariense ta viaja oji.

Rosariense ta fazi parti di grupu A, mesmu grupu ki Akadémiku di Sal, Akadémika di Fogu i Juventudi di Boavista.

Sanjoanese, kampion regional di santanton sul, ta viaja oji pa ilha di Son Nikulau, undi ê ta bai djuga es sabadu, dia 4, ku Ultramarina.

Sanjoanese sta na grupu C djuntu ku Ultramarina di Son Nikulau, Boavista di Praia i Derby di Son Visenti.