Info Praia

Oito kabu-verdianu selesionadu pa Yali 2024

Oito Joven líder selesionadu pa 10ª idison di Progama Mandela Washington Fellowship Yali.

Sugundu selesionadu ê sta komprometidu pa ganha nobu abilidadi i ideia inovador duranti sis partisipason na programa na Merka i kontribui pa desenvolvimento di Kabu Verdi.

Programa ta pirmiti maior konexon entri joven selesionadu i troka di xpriênsia i interkâmbiu.

Lansadu na 2014, Bolsa Mandela Washington Fellowship ê principal programa d´inisiativa Young African Leaders ki tem objetivu di firma kompromissu di Merka d´invisti na futuru d´Áfrika. Ti es mumentu 56 bolsista kabu-verdianu benefisia di programa.