Show di Bola

Kampionatu Nasional di Futebol Akadémika di Fogu golea Rosariensi di Santanton Norti pa 3-1

Akadémika di Fogu ganha Rosariensi di Santanton Norti pa 3-1 na djogu ki konta pa kinta jornada di grupu A.

Sport clube Morabeza impata 1-1, na kaza, frenti ku Barreirensi, di Maio, na djogu ki konta pa kinta jornada di grupu B.

Na otu djogu di grupu B, Palmera, di Sal, ganha Varandinha, di Santiagu Norti, pa 4-0. Ku es resultadu, Palmeira passa ta lidera grupu B ku 9 pontu, si traz sta Barreirensi ku 8 pontu, Morabeza 6 i Varandinha ku 2 pontu.

Boavista di Praia konsegui si kintu vitória na Kampionatu Nasional di Futebol, pa 2-1, frenti Sanjoanensi, na djogu ta konta pa 5º jornada di grupu C.

Resultadu di grupu C na 5º jornada fika si: Boavista di Praia 2 – Sanjoanensi 1 i Ultramarina 1 – Derby 2.

Boavista di Praia sta lidera grupu C ku 15 pontu, Derby 10, Ultramarina 3 i Sanjoanense 1 pontu.