Show di Bola

Sugundu etapa di Kabu Verdi Trail Series 2024 ta kontisi es domingo

Sugundu etapa di Kabu Verdi Trail Series 2024 na atletismu ta kontisi es domingu, 16, na modalidadi di Trail Sprint – 18 kilometru (série 150) i Trail – 29 kilometru i kilometru vertikal – série 50.

Keli ê sugundu sirkuitu di Trail di Santiagu i inskrison pa partisipanti inda sta abertu online i també presensial na kamara munisipal pa modalidadi di kaminhada i Trail jovem.

Kabu Verdi Trail Serie 2024 na atletismu kumesa di 13 d´abril ti 8 di dezembru, na 5 sirkuitu na ilha di Fogo, Santiagu, Boa Vsta, Son Nikolau i Aantanton.

Dipos di Trail di Santiagu, ta bem tem Boa Vista Sand Trail, markadu pa dia 3 i 4 d´agostu na prova di Trail Sprint – 21 kilometru (serie 150) i Trail – 42 kilometru (serie 150).

Son Nikulau trail ta kontisi 28 i 29 di setembru na disiplina di Trail Sprint – 18 kilometru (serie 150), Trail – 29 km (serie 150), kinta i ultima etapa, ta ser disputadu na Santanton Triangle Trail, di 06 ti 08 di dezembru , ku prova di 3x Trail Sprint – 14 km + 13 km + 14 km (serie 200) i 3 x Trail – 28 km + 23 km + 33 km (serie 200).

Kabu Verdi Trail Series 2024 tem misson di promovi di marka Kabu Verdi, sis rekursu natural, atraves di disportu i di turismu, di entra na nobu tendênsia di desenvolvimentu/finansiamentu i ekonomia verdi, promoson di territóriu di baxa densidadi i di reduson di assimetria na kuadru di planu stratégiu di desenvolvimentu sustentável PEDS II.