Show di Bola

Nancy Moreira kualfikadu pa Djogu Olimpiku di Paris 2024

Pugilista internasional kabu-verdiana Ivanusa Moreira, konxedu pa Nancy Moreira, di kategoria 66 kilo kualifika pa Djogu Olimpiku di Paris 2024.

Sugundu Komité Olímpiku Kabu verdianu (COC), atleta konsegui un vaga d´universalidadi dadu pa komisson tripartida di Komité Olímpiku Internasional (COI)

Nancy Moreira, atual kampion afrikanu i numbru 2 di klassifikason mundial d´Assosiason Internasional di Boxe (IBA), staba 2 bez a un vitória di kualifikason direta na torneiu di kualifikason na Itália i Tailândia.

Kabu Verdi konta gossi ku 4 atleta kualifikadu, Samuel Freire na Atletismu – Maratona – Victor Alvares na Esgrima – Florete – i David Pina na Boxe 51 kilu.

David Pina ê uniku ki konsegui kualifikason pa méritu propi, duranti torneiu di kualifikasob ki kontisi na Bangkok, na Tailândiia,

Djogu Olímpiku Paris 2024 ta kontisi di 26 di julhu ti 11 d´agostu.