Show di Bola

Atletas kabu verdianu dja kualifikadu pa Djogu Olímpiku di Paris 2024 ta sta na sidadi di Praia pa stágiu pré-olímpiku

Team Kabu Verdi formadu pa atletas kualifikadus pa representa Kabu Verdi pa Djogu Olímpiku di Paris 2024 ta sta na Praia di 6 ti 11 di júliu num stágiu pré-olímpiku.

Di kes 4 atletas dja kualifikadu, apenas Samuel Freire ki ka ta bem pa Kabu Verdi, pamodi ê ta fazi un stágiu na altitudi, na Kénia.

Pugilista Nancy Moreira i David Pina, esgrimista Victor alvares ta sta na kapital di país pa es stágiu, undi di 11 a 23 di juliu es ta fazi sugundu fazi di priparason Parthenay – Gatine – Fransa, ke munisípiu ki funsiona komu kaza di delegason kabu-verdiana di Djogu Olimpiku di Paris 2024.

Atletas ta bai pa Paris di 23 di julhu, pa konsentra na Djogu Olímpiku di Paris ki ta kontisi di 26 di julhu ti 11 d´agostu, ku partisipason di 10 mil i 500 atletas ki ta representa 206 komité olímpiku nasional ki ta bai kompiti na 28 disportu olímpiku.

Kabu Verdi, inda teni speransa em leba atletas ki teni kualifikason pendenti sima Djamila Correira e Silva, na judo, i di nadadoris Jayla Pina, na 100 metru brusu, i Troy Pina, na 50 metru freestyle.

Inda podi kualifika voleibolista Ludmila i Janice Varela na ultimu vaga di torneio di kualifikason na Marrocos i atletas Ariene Morais, na lansamentu di dardu, undi sta bai kampionatu afrikanu buska minimu exigidu.