Show di Bola

Palmeira di Sal garanti passaporte pa final four di Tasa di Kabu Verdi

Ekipa di Palmera di Sal garanti passagi pa semi final di tasa di Kabu Verdi, na futebol, dipos di dirrota Morabeza di Brava pa 3-1 na djogu disputadu na stádiu Marcelo Leitão, na ilha na Sal.

Prumeru golu di partida kontisi na 30 minutu, markadu pa Erikson Pires, di Palmeira i na minutu 45+6 Morabeza di Brava ku golu di Paulo Araújo.

Na sugundu metadi di djogu, Palmera volta lidera kum 1 golo di Michael Henry na 85 minutu.

Na fim di djogu na minutu 90+2, Rendrick Almeida fazi 3-1 i sela resultadu ki poi Palmera na final four di tasa di Kabu Verdi.

Palmeira ta enfrenta Akadémika di praia na final four pa buska dum vaga na final di tasa di Kabu Verdi.

Paulense di Santanton Norti i Mindelese di Son Visenti, també sta na semi final.