Show di Bola

Kampionatu di Kabu Verdi d´Andebol Femininu i maskulinu ta ranka na mês di julho

Ekipa di Atlétiku di Son Visenti i Super Strela di Santanton inagura idison 2024 di Kampionatu di Kabu Verdi d´Andebol Femininu, ki ta kontisi di 10 ti 18 di julhu, na Pavilhon Disportivu Vavá Duarte.

També na prumeru jornada, kampion regional di Santiagu Norti di Grasiosa Tarrafal ta djuga ku kampion nasional i di Santiagu Sul ABC.

Girassol di Santiagu Sul ta fika di fora na prumeru mo, ê ta bem djuga na sugunda jornada ku Super Strela di Santanton.

D´akordu ku regulamentu pa FCA, kes 4 prumeru ekipa ta apura pa meias-finais, ku prumeru lugar ta djuga ku 4º lugar i sugundu lugar ta kontra ku triseru klassifikadu.

Kampionatu di Kabu Verdi d´Andebol na Sénior Femininu 2023-2024 ta disputadu pa 5 ekipa ta representa Santanton, Son Visenti i 2 ekipa Santiagu Sul.

Kampionatu Nasional d´Andebol Sénior Maskulinu 2023/2024 ta kontisi na ilha di Sal, di 22 ti 27 di julhu.