Show di Bola

Kabu Verdi sta representadu na 53º idison di Partille Cup

Arkipelagu sta partisipa na idison 53 di Partille Cup ki ta kontisi ti dia 06 di julhu na Gotemburgu, na Suésia, ku delegason di andebol maskulinu na sub 19.

Komitiva nasional ê formadu pa 14 atleta, silesionadu na 2º idison di Olimpíadas di Disportu Skolar – sal 2024, ki kontisi na mês di marsu, na ilha di Sal.

Partille Cup ê konxedu pa djunta alguns talentu, mas promissor d´andebol mundial, ofresi un atmosfera di alta kompitison i aprendizagem.