Show di Bola

Kabu Verdi ta bai Olimpiadas di Paris ku 7 atleta

Team Kabu Verdi formadu pa atletas kualifikadus pa representa Kabu Verdi pa djogu olímpiku di paris 2024 ta sta na praia di 6 ti 11 di júliu num stágiu pré-olímpiku.

Di kes atletas dja kualifikadu, Samuel Freire ki ka ta bem pa Kabu Verdi, pamodi ê ta fazi un stágiu na altitudi, na Kénia.

Pugilista Nancy Moreira i David, esgrimista Victor Alvares ta sta na kapital di país pa es stágiu, undi di 11 a 23 di juliu es ta fazi sugundu fazi di priparason na Gatine – Fransa, munisípiu ki funsiona komu kaza di delegason kabu-verdiana di Djogu Olimpiku di Paris 2024.

Kes otu atelta ki també dja apura pa Olimpiadas di Paris ê Jayla Pina e José Tita na natason i Djamila Correia e Silva na Judô.

Atletas ta bai pa Paris di 23 di julhu, pa konsentra na djogu olímpiku di paris ki ta kontisi di 26 di julhu ti 11 d´agostu, ku partisipason di 10 mil i 500 atletas ki ta representa 206 komité olímpiku nasional ki ta bai kompiti na 28 disportu olímpiku.

Kabu Verdi ta bai olimpiadas di paris ku 7 atleta, maior komitiva di país num olimpiada.