Show di Bola

Capeverdean Basketball League (CBL) idison Mindelo ta ranka dia 24 des mês

Capeverdean Basketball League (CBL) idison Mindelo ta ranka es kuarta fera, dia 24 i ta konta ku partisipason di 6 ekipa pa motiva prátika di basketebol na país.

Torneio ta disputadu pa ekipa di ABC, Prédiu, Real Sosiedadi, Kruzeru, Pantera i Florensa.

CBL ê un organizason ki tem objetivu di promovi basketebol na Kabu Verdi, kria un liga profissional ki ta motiva prátika des disportu na Kabu Verdi.

Sugundu organizason, es anu, kriadu Hoops Street Art, ki tem objetivu di reabilita kampu di basketi ku pintura urbanu pa insentiva komunidadi na prátika di basketi na rua. Komunidadi skodjedu pa reabilitason di kampu ê Son Pedru – Son Visenti.

Tema di torneio es anu ê Our Time Is Now, ta tem també CBL Awards, ki ta da premiu pa djugador, dirigenti i tudu pessoal di liga i di basketebol nasional.