Show di Bola

Kumitiva di Kabu Verdi ta imbarka oji pa Djogus di Paris

Delegason kabu-verdianu ta viaja oji (09), pa França, pa bai partisipa na Djogu Paralimpiku di Paris 2024, ki ta ranka dia 28 des mês.

Kabu Verdi ta sta riprisentadu pa Heidilene Oliveira, na Atletismu 100 e 200 metru e Marilson Semedo na lansamentu di Dardo.  

Kumitiva kabu-vedianu lideradu pa Orlandinho Mascarenhas ta da kuntinuidadi pa trabadju di priparason kum stádiu di oji ti 23 des mês, na Ville de Parthenay-Gatine.