Show di Bola

Paris 2024: Marilson Semedo e Heidilene Oliveira prontu pa kompiti

Delegason di Kabu Verdi pa Djogu Paralimpiku Paris 2024, dja sta na França pa pripara pa kompitison ki ta kuntisi di 28 des mês ti 08 di sitembru.

Kabu Verdi sta riprisentadu na djogus di Paris pa Heidilene Oliveira, atleta di baxu vison (T-12), kumpanhadu di si guia Jailson Oliveira na 100 e 200 metru livri e di Marilson Semedo, amputadu di membru inferior (F-57) na prova di lansamentu di dardu.

Kumitiva kabu-verdianu lideradu pa Orlandinho Mascarenhas sta nes mumentu na region franses di Ville de Parthenay-Gatine, undi atletas sta pripara pa kompitison ti dia 23 des mês.

Klika e sabi kal ke spetativa di Heidilene Oliveira e Marilson Semedo pa djogus di Paris 2024

Mas di 4 mil atleta di munti país, sta bai buska pódiu na djogus di Paris.

Pa Orlandinho Mascarenhas, xefi di dilegason kabu-verdianu, objetivu di Kabu Verdi na kompitison é otu

Delegason di Kabu Verdi ta sta na Vila Olimpiku dia 26 des mês, undi Marilson Semedo ta bai kumpiti na lansamentu di dardu dia 31 des mês e Heidilene Oliveira dia 04 e 05 di sitembru na atletismu 100 metru e dia 6 e 07 na 200 metru.