Show di Bola

Federason Kabu-verdianu di Siklismu kre mas trenador di modalidadi

Federason Kabu-verdianu di Siklismu sta prumovi oji (05), um formason na Praia pa trenador di modalidadi di Santiago, Fogo, Maio e Boavista.

Kursu ki sta kuntisi na Gimno Disportivu ti dia 09 des mes é dadu pa téknika internasiunal inviadu pa Federason Portugues di Siklismu, Ana Rita.

Formason ki ta konta ku finansiamentu di Kumité Olímpiku Internasiunal e di Union di Siklista Internasiunal, també ta kuntisi na Mindelo di 10 ti 15 des mês ku partisipanti di Santanton, Saniklau e Sal.