Show di Bola

Kabu-verdiana konkista oru na Kampionatu Afrikanu di Natason

Nadadora kabu-verdiana Wilina Jules Marthe konkista doz midalia d’oru na Kampionatu Afrikanu di Natason di Zona 2 (junior e senior) ki ta kuntisi ti manhan (09), na Acra, na Gana.

Sugundu Federason Kabu-verdiana di Natason, Wilina konkista midalia na 100 metru livru e 50 metru kosta.

Wilina Jules-Marthe, ki ta vivi na frança, undi é ta riprisenta clube metropole, partisipa na prova di 50, 100, e 200 metru livri e na 50, 100 e 200 metru kosta.

Kabu-verdiana inda disputa prova na 50 metru na barboleta e brusu.