Info Praia

Santa Cruz Art Week kre transforma Kutelinho através di arti

5º idison di Santa Cruz Art Week (SCAW) sta risebi ti dia 20 des mês, artista nasiunal e internasiunal na bairru di Kutelinho na Pedra Badejo.

Duranti um simana, artista Simone Spencer e Edson Garcia, di Santiago, Randy PInto, artista surdu, di Sal, brasileiru Rizo, portuguesa Ângela Miranda Penedo e Sidney Cerqueira, artista plástiku di Guiné-Bissau ta transforma bairru através di arti.

SCAW ta konta ku parseria di Kambra di Santa Cruz e apoiu di Ministériu di Kultura e di Industria Kriativu.