Show Bizz

Músika di Kabu Verdi é distaki na African Entertainment Awards

Mayra Andrade, Elida Almeida, Gilyto Semedo, Neyna, MC AcondizE, Loony Johnson, Soraia Ramos, Lisandro Cuxi, Tony Fika e Fattú Djakité é kes artista kabu-verdianu nomiadu na African Entertainment Awards.

Mayra Andrade, Neyna, Soraia Ramos e Fattú Djakité sta nomiadu na katiguria di Mijdor Artista Femininu di PALOP djuntu ku Yasmine, Irina Barros e Eneida Marta.

Na mesmu katiguria, na maskulinu, sta nomiadu Tony Fika, Loony Johnson e Lisandro Cuxi djuntu ku dupla Calema.

Kantor Gilyto Semedo, ki es anu rigressa ku musika Pila-Tenti sta nomiadu na katiguria Rising Star of The Year.

Neyna també sta konkorri pa premiu di Midjor Kolaborason ku musika Nka Sta Para num parseria ku MC Acondizé.

Gala di 10º idison di premiu African Entertainment Awards sta markadu pa dia 09 di nuvembru na Merka