Show di Bola

Seleson nasiunal di andebol fimininu priparadu pa CAN 2024

Selesiunador di andebol fimininu di Kabu Verdi konvoka 20 atleta pa stágiu na Portugal, ki ta kuntisi di 17 ti 25 mês di nuvembru.

Stágiu é di priparason pa Kampionatu Afrikanu di Nason- CAN 2024, na República Dimokrátika di Congo.

Dipos di stágiu, selesiunador nasiunal ta skodji 16 atleta pa riprisenta Kabu Verdi na 26º Kampionatu Afrikanu di Andebol Fimininu.

Kabu Verdi sta na grupu A djuntu ku seleson di Congo, Egipto, Argélia, SenegaL e Quénia.
Dja na Pole B sta Guiné Conacri, Camarões, Angola, Tunísia, RD Congo e Ruanda.