Info Praia

Taxa d´ inflason fika 1,6% na marsu des anu

Dadu divulgadu pa Institutu Nasional di Statistika (INE), ta mostra ma Taxa d´ inflason fika 1,6% na marsu des anu.

Indisi di presu na consumidor (IPC) regista un taxa di variason mensal di 0,0%, valor inferior na 0,6 pontu percentual (p.p) risgistadu na mês anterior.

Grupu ki distaka ku variason positiva ê bens i diferente sirbisu, ku variason mensal di 0,9%, ropa i sapatu, ku variason mensal di 0,5%, bebida alkoolika i tabaku, kum variason di 0,1%, renda di kaza, agu, eletrisidadi i kombustivel, kum variason mensal di 0,1% i saudi, kun variason mensal di 0,1%.

Klassi ki distaka ku variason negativu ê produto alimentar i bebida sem alkool, kun variason mensal di – 0,4%, transporti, kun variason mensal di -0,3% i assesoriu, ekipamentu doméstiku i manutenson atual di habitason, kun variason mensal di -0,1%.

D´akordu ku dadu di INE, variason akumuladu di IPC di 0,7%, taxa suprior na 0,8 pontu percentual (p.p) komparadu ku mesmu mês d´anu passado i taxa di variason homóloga ê di 2,2% , valor inferior 0,4 p.p komparadu ku mês anterior.

Inflason subjasenti, ke indisi total, fora energia i alimentason ka transformadu, tevi un variason homóloga di 2,1%, valor inferior na 0,2 p.p komparadu ku kel registadu na fevretu di 2025.