Show Bizz

Atividadi ki ta involvi djunta munti alguém na mesmu spásu ta kontinua ta kanseladu

Assosiasôn Mindelact na Són Visênti djá kansela si assembleia-geral programadu pa fim di simana ki sta bem e konsequentimenti tambê kanseladu intrega di prémiu di méritu tiatral.

Vensidôr di idisôn dess anu di prémiu era pa serba diskutidu na sembleia dess fim di simana e kanselamentu ta sigui rekumendasôn di otoridadi di saúdi pa ka reuni munti alguém na mesmu spasu.

Artista kabu-verdianu Dynamo, tambê, djá adia consertu di lansamentu di si más nóvu álbum ki txôma Independent, markadu pa Abril na Kabu Verdi, pamodi pandemia di Covid-19.

Artista ki ta vivi na Purtugal tambê stá sigui rekomendasôn di guvernu e di diresôn-geral de saúdi.

Dynamo tinha anunsiadu komu kombidadu:Djodje, Elji Beatzkilla, William Araújo, Jennifer Dias, Mika Mendes, Ricky Man, Tony Fika, Ceuzany, Jay Yo e NGS.

Artista tambê pruvêta pa pidi pessoas pa fika na casa, pa ka bai na kou ku munti alguém e spera ti ki situasôn ta midjora.