Show Bizz

Artistas kabu verdianu djuntu num konsertu inéditu pa kombati Covid 19

Mas di 70 artista kabu verdianu dentu e fora di país sta djunta entri dia 5 e 11 di Abril, pa Festival na Sofá.

Objetivu é inspira pessoas pa ka sai di kaza e djuda kombati pandemia di Covid 19 na Kabu Verdi e non só.

Transmison ta fazedu atraves di konta di Instagram di kada artista e atuason ta dura serka di 30 minutu.

Entri kes artista ki sta atua sta Boss AC, Calema, Mayra Andrade, Hélio Batalha, Kiddye Bonz, Elji Batzkilla, Mário Lúcio, Lura, Fattú Djakité, Dieg, Djodje, Rapaz 100juiz e Ga da Lomba.