Show di Bola

Federason Kabu verdiana di Xadrez teni djogu online pa amantis di modalidadi

Num parseria ku Chess.com, Fiderason Kabu verdiana di Xadrez dja disponibiliza on line djogus pa xadrezista pratika duranti stadu di emergensia pamodi pandemia di Covid 19.

Ku lema Eu fico em casa. Jogo xadrez !, ideia é kria um forma pa djugadoris kabu verdianu konekta, djuga e diskuti xadrez a partir di casa e através di djogu pa stilu di korrespondensia.

Na Chess.com, visitanti podi djuga kontra mákina di xadrez e partisipa na djogu di votason, undi djugador ta forma ikipa e vota na midjor jogada.

Além di juga xadrez, també partisipanti podi tem asessu a trenamentu táctiku, forum e notisia di xadrez, download, banku di dadu abertu, grupu di transmison ao vivu, kebra kabesa diáriu, partida di ikipa, trenamentu on line e um banku di dadu ku mas di doz milion di djogu.