Info Praia

Sirbisu di kumunikason móvel e tilifoni fixu tevi menus assinanti na últimu trimestri di 2019

Sugundu informason di ARME, através di rilatóriu di indikador statístiku di merkadu di kuminkason e electróniku di Dizembru di 2019, sirbidu di tilifoni fixu na altura tinha 57 mil 511 assinanti, um taxa di 10 asessu pa 100 habitanti, ki ta signifika um keda di 8% komparadu ku mesmu periudu di anu anterior.

Na triseru trimestri di 2019 keda foi di 2% e na kuartu trimestri, vulumi di tráfegu geradu era di 9,6 milion di minutu na redi fixu, ki ta signifika um keda di 5% komparadu ku mesmu trimestri di 2018.

Dja na sirbisu di redi móvel, numbru total di karton SIM ativu na merkadu móvel na Kabu Verdi, na Dizembru di 2019 foi di 595 mil 681, um aumentu di 0,25%, komparadu ku triseru trimestri di mesmu anu.

Komparadu ku mesmu periudu di 2018, sirbisu regista um keda di doz pontu persentual. Taxa di penetrason na kel periudu la foi di 108 %.

Num komparason ku kuartu trimestri di 2019, tráfego tutal geradu na redi móvel dixi 2% e na mesmu periudu di anu anterior tevi um diminuison di 7%.

Na sirbisu di asessu a internet, registu é di 438 mil 645 assinanti na sugundu trimestri di 2019, di kes 89% ta usa sirbisu pa teknulugia Banda Larga Móvel, taxa di penetrason di sirbisu di internet, é di 80 asessu na 100 habitanti.