Show Bizz
Skola di músika na Fogo kre diskubri novu talentu através di konkursu on line
7 Abr 2020 @ 11:49Serka di sinku skola di músika na Fogo, dja lansa konkursu Talentu na Kaza na katiguria músika e dansa pa jovens okupa sis tempu duranti stadu di imergensia.
Otu objetivu é diskubri novu talentu na kes área lá, dsenvolvi habildiadi artístiku na família e kontribui pa union entri pessoas mesmu lonji pes podi midjora sis kriatividadi.
Konkursu ta kuntisi através di facebook e inskrison sta abertu ti dia 15 di Abril. Pa partisipa é so manda um vidiu ki ka podi ultrapassa um minutu e meiu e gravadu a partir di kaza.
Konkursu é pa kriansa di 5 ti 13 anu e jovem e adultu di 14 ti 26 anu di idadi.
Votason públiku ta kuntisi a partir di mumentu ki vidiu foi publikadu ti dia 17 des mes e votason di júri, formadu pa ilimentus di kumison di skola di músika ki prumovi konkursu ta dikorri entri 18 e 20 di Abril e risultadu final ta konshedu dia 21 di mesmu mes.