Show Bizz

Institutu di Patrimóniu Kultural dja kria museu virtual pa ivita pandemia di Covid 19

Institutu di Patrimóniu Kultural, ki ta giri Museu di Sal e di Praia dja informa ma tudu konteúdu di spasu podi ser visitadu a partir di gossi on line.

Ideia di kria museu virtual é pa ivita ki munti pessoa djunta na mesmu spasu pamodi pandemia di Covid 19.

Inda konteúdu ki podi visitadu é só di Museu di Praia e di Sal, mas ti fim des simana ta sta disponivel també visita pa Museu di Tabanka na Santa Catrina e Museu di Mar na Sonvisenti.

Institutu di Patrimóniu Kultural kre kuntinua ku inisiativa dipos di priudu di kontigensia pa divulga museu di Kabu Verdi na strangeru.