Show di Bola

FIFA debi adia tudu djogu internasiunal markadu pa mes di Junho

FIFA sta analisa pussibilidadi di dismarka tudu djogu internasiunal ki sta markadu pa mes di Junho, pamodi Covid 19. Si kela kuntisi, um di kes adiamentu é di djogu di iliminatória di Kampionatu Afrikanu di Nações, CAN 2021.

Konfiderason Afrikanu di Futebol sta pensa na rializa kuatu jornada di kompitision ki falta, Kabu Verdi sta na disputa, undi ta skodjedu ikipa ki debi partisipa na próximu CAN previstu pa Janeru e Fevreru di 2021.

CAF tambe tevi ki dismarka Kampionatu Afrikanu di Naçoes – CHAN 2020, ki era pa kumesaba dia 04 des mes.

Disison di FIFA debi mexi inda na prugrama di iliminatória pa Mundial 2022 na Qatar.