Show Bizz

Sentru Kultural di Kabu Verdi na Portugal sta prumovi atividadi on line pa familia ki sta di korentena

Ti mes di Maio, Sentru Kultural di Kabu Verdi na Portugal sta organiza alguns atividadi pa kriansa ku objetivu di prumovi bem star pa familia ki sta di korentena pamodi Covid 19.

Otu propósitu, sugundu instituison kultural é leba pa kaza di tudu kabu-verdianu midjor di Kabu Verdi.

Prugramason basiadu na tradison kultural di Kabu Verdi e di otus país di Áfrika lusófona, ta inklui workshop di arti, dansa, insinu di kriolu e otus atividadi.