Show Bizz

Orsamentu di sétimu idison di Fogo Coffee Fest usadu pa Fundu Munisipal di Imergensia

Sétimu idison di festival di café, Fogo Cofee Fest markadu pa kuntisi di 14 ti 18 di Abril, na Musteru, foi adiadu ku surgimentu di pandemia Covid 19 na país e orsamentu di iventu ta sirbi pa Fundu Munisipal di Imergensia apoia família karensiadu di munisipiu.

Além di doz mil kontu ki era orsamentu di festival, Fundu di Imergensia també sta konta ku apoiu di kumunidadi kabu-verdiana ki sta na diáspora.

Ti gossi, familias di Musteru ki ka tevi assistensia alimentar di Guvernu, duranti priudu di isolamentu dja risebi dinheru ki ta varia entri doz, tres e sais mil skudu pa djudaz ku dispeza nes tempu difisil.