Show Bizz

Tcheka dja kria assusiason pa kontribui pa dsenvolvimentu di konsedju di Santa Catarina di Santiago

Kantor, músiku e kompusitor, Tcheka Andrade, natúral di Ribera da Barca, munispiu di Santa Catarina, dja kria um assusiason ku si propri nomi, pa djuda na dsenvolvimentu ikunómiku, kultural, susial, disportivu, na saudi e turismu di konsedju.

Tcheka e Amigos de Ribeira da Barca é nomi di assusiason sem fim lukrativu, ki ta ranka ku si planu di atividadi pa 2020-21 na diferenti área, sim ki passa pandemia di novu coronavirus na Kabu Verdi.

Na parti susial, assusiason ta da apoiu pa idosu e familia karensiadu na kompu kaza e alimentason, através dum loja susial.

Na area di kultura, sta bem kriadu um skola di musika, undi ta tem workshop e aula ku prufissional di músika. També ideia é rukupera tradison e festa di romaria, dá aula di dansa tradisiunal e stória e insentiva kriason di grupu di musika na lukalidadi.