Info Praia

Dia Internasiunal di Trabadjador sem tradisiunal konviviu e inkontru di rifleson pa ivita infeson pa novo coronavirus

Mundu interu ta silebra oji Dia Internasiunal di Trabadjador e na Kabu Verdi é ka diferenti. Tudu anu nes altura maioria di trabadjador ta djunta na tudu ilha, pa silebra data ku mumentu di konviviu e rifleson.

Es anu, pamodi entrada di novo coronavírus na país e konfinamentu na kaza, pa ivita kontágiu di duensa, kumimorason foi suspensu.

Konxedu també pa festa di trabadjador, data é um ominagem pa dia 01 di Maio di 1886, kantu um grupu trabadjador na Chicago, na Merka fazi grevi pa midjor kondison di trabadju, prinsipalmenti, reduson di ora, ki ta baba ti 17 ora pa dia pa 8 ora. Duranti manifestason ku polisia trabadjador bai presu e també munti dez morri.