Info Praia

Kabu Verdi ta entra oji na 2º fazi di diskunfinamentu

A partir di oji, ta kumesa labantadu alguns ristrison forsadu pa stadu di kalamidadi pa ivita mas kazu di Covi 19 na país.

Gossi dja pessoas podi fazi visita na lar e sentru undi ta sta alguém mas grandi, kriansa e jovem na situason di risku, ospital e otus spasu di saúdi.

Visita ta primitidu na tudu ilha, menus Santiago, ki na altura ki publikadu Boletim Oficial, 29 di Maio, era úniku ilha ku kazu ativu.

Também nes sugundu fazi di diskunfinamentu dja kadeia podi risebi visita ku tudu entrada e permanensia ta obdesi norma di orientason di Direson di Sirbisu Penitenciáriu e Reinserson Susial.

Na kes otu ilha, menus na Santiago, sta permitidu abertura di ginásiu, akademia e similar, ma funsionamentu debi també sigui tudu medida di seguransa pa ivita kazu di infeson pa Covid 19.