Show Bizz

Serimónia di Óscar 2021 adiadu pa Abril

Akademia di sinema di Merka dja disidi adia sirimónia di Óscar 2021 pamodi pandemia di Covid 19, ki tem afetadu produson sinematográfiku.

Kes nomiadu ta konxedu na mês di Marsu e també votason, pa membru di akademia, ta bai ti dia 20 di Abril, sinku dias antis di sirimónia ki staba markadu pa dia 28 di Fevreru.

Prazu també pa odja kes filmi ki debi ser nomiadu pa Óscar, di akordu ku streia na sala di sinema merkanu, també alteradu, gossi é ti dia 28 di Freveru, antis era ti dia 31 di Dizembru.

Filmi kandidatu pa nomiason na katiguria animason e dukumentáriu, na kurta e longa metragem e midjor filmi internasiunal, tem data limiti ti dia 01 di Dizembru di 2020.

Dja kes otu katiguria, submison debi aprisentadu pa akademia ti dia 15 di Janeru.