Show Bizz

Karnaval na Praia: Inter Vila e Estrela da Marinha djá aprisênta sês tema e 5 skola djá konfirma sês presença

Grupu di karnaval di Praia Inter Vila ta silêbra 30 anu d’izistênsia ku enrredu ki ta fala di si perkursu.

Pa Vinida Sidadi Llisboa grupu di Vila Nova stá lêba sérka di 300 figuranti divididu na seis ala e um andôr.

Stória romanu stá bem ser abordadu ku algum fiksôn e mitologia pa grupu di Terra Branca, Estrela da Marinha.

Música di grupu ê, sima kês ôtu anu, um kompusisôn di Constantino Cardoso e já, já ê ta stá prontu.

Grupu stá bai disfila kum karru alegóriku e dôs tripé ku 300 figuranti distribuidu pa 7 ala.

Tambê na Kapital sinku skóla djá konfirma sês partsipasôn na carnaval dêss ánu.

Liceu Domingos Ramos djá stá pripara si disfili ku alunus di 1º ti 3º siklu ku tema reciclagem e meiu ambienti.

E Skóla Eugénio Tavares, Nova Assembleia, Nova Presidência e Pedro Gomes djunta pa disfila ku téma brincadêra tradisiunal.