Show Bizz

Projetu dukumentáriu di kabu-verdianus premiadu na 5º idisôn di Ouaga Filmes Lab

Prujetu dukumentáriu “O novo homem” di Yury Ceuninck e “E quem cozinha?” di Samira Vera Cruz stá entri kês premiadu di 5º idisôn di Ouaga Filmes Lab, ki kuntisi na Burkina Faso.

“O novo homem” gánha “Medienboard Berlin-Brandenburg Award”, ki ta konsisti num bolsa di um residência di skrita pa três mês na Alemanha.

Inda ê konkista “Doc Award” kê um bolsa di produsôn pa 2 prujetu avansadu di dukumentáriu e “IDFA Award”, um bolsa di partsipasôn na IDFA Fórum – Amsterdam International Documentary Film Festival, na Holanda.

Prémio IDFA tambê konkistadu pa cineasta kabu-verdiana Samira Vera-Cruz, ku prujetu “E quem cozinha?”.

Prujetu tambê gánha “Doc World Cinema Fund/Goethe-Institut” ki ta dá orientasôn e kumpanha na produsôn di um prujetu di dukumentáriu ofresidu pa Berlinale World Cinema Fund e pa Goethe Institute (Alemanha).