Show Bizz

AFRIMMA 2020: Midjôr Artista di Áfrika Central ê kabu-verdiana Soraia Ramos

Artista kabu-verdiana Soraia Ramos gánha prémiu di Midjôr Artista Di África Central na 6ª idisôn di African Muzik Magazine Awards 2020 (AFRIMMA), ki kuntisi na Texas,na Merka.

Pamodi pandemia, gala kuntisi online, e duranti eventu kriola interpreta músika “Bai”, gravadu li na Kabu Verdi e ki djá stá ku más di 15 milhôn di vizualizasôn.

Agradesimentu di Doraia bai prinsipalmenti pa sês fã, ki artista konsidêra maior responsável pa si sucessu.

Dupla Calema tambê foi galardoadu ku títulu di Midjôr Artista Lusófonu.

Distaki di idisôn dess anu bai pa Master KG, di Áfrika do Sul, ki konkista prémiu di Midjôr Artista, Músika d’Anu, Midjôr Ómi di Áfrika di Sul e Midjôr Kolaborasôn ku Burna Boy na remix de Jerusalema.