Info Praia

Djá kriadu um ikipa pa invistiga kazus di desaparecimentu di kriansa

Um ikipa, kordenadu pa um magistradu di Monistériu Públiku, djá kriadu, pa investiga kazus di desaparecimentu di kriansa na Praia. Ikipa ê kompostu inda pa três ifetivu di Pulísia Judiciária e dôs di Pulisia Nasiunal.

Na Procuradoria di Repúblika di Komarka di Praia stá registadu quatu kazu di desaparecimentu. Dja fazêdu alguns diligência d’invistigasôn pa lokaliza kês desaparesidu mas inda ká atxadu nada konkretu.

Déntu di 30 dia ikipa dêbi aprisênta um relatório sobri ivolusôn d’invistigasôn.

Kês kazu ê: Kêl más resênti di dôs primu: um minininha ki txôma Nina di 11 ánu e um rapazinhu konshedu pa Filú di 9 anu – ês dizaparsi sábadu passado, dia 3 di Fevreru, na bairru di Achada Limpo. Tambê stá Edvanea Gonçalves di 10 anu, di Eugénio Lima, dizaparsidu désdi 14 di Novembro di 2017 e kazu di Edine Soares, di 19 anu, ki dzaparsi djuntu ku si fidju Marício Semedo, recém-nascidu, na Achada Grande Frente désdi 28 di Agosto.